ລາວໃນຍຸກສະໃໝປັດຈຸບັນ

     

ຈຸດຊົມວິວນື່ງໃນແຄມຂອງ

      ນະຄອນຫລວງຂອງ ສປປ ລາວຄືວຽງຈັນນັ້ນ ຖ້າທຽບໃສ່ບັນດາເມືອງຫລວງອື່ນກໍຄົງທຽບບໍ່ຕິດ

ກຳແພງນະຄອນວຽງຈັນເປັນເມືອງຫລວງທີ່ນອ້ຍຂອງໂລກກໍສາມາດເວົ້າໄດ້ເຊິ່ງມີພົນລະເມືອງອາ

ໃສຢູ່ປະມານ 795,000 ສະຖິຕິປີ2009.

ແລະບວກກັບພົນລະເມືອງເຊິ່ງບໍ່ໄດ້ລົງທະບຽນແລະນັກທອ່ງທຽ່ວເວົ້າແລ້ວກໍຫລາຍລ້ານຄົນ.

ການຂະຫຍາຍຕົວທາງເສດຖະກິດຢູ່ນີ້ນັບມື້ນັບສູງ ຊິວິດການເປັນຢູ່ຂອງປະຊາຊົນດີຂື້ນເທື່ອລະກ້າວແລະຄ່າຄອງຊີບນັບມື້ນັບສູງ ເນື້ອງຈາກສິນຄ້າສ່ວນຫລາຍແມ່ນນຳເຂົ້າເກືອບໝົດ ສິນຄ້າສ່ວນຫລາຍມາຈາກປະເທດໄກ້ຄຽງ ໄທ ,ວຽດນາມແລະ ສປ ຈິນ. 

 ການຂະຫຍາຍເສັ້ນທາງໃນຕົວເມືອງຍັງບໍ່ໄດ້ມີຄວາມຄືບໜ້າປານໃດ ເສັ້ນທາງຍັງຄັບແຄບແລະລົດຕິດໃນໂມງໄປວຽກແລະເລີກວຽກເຊິ່ງບັນຫານີ້ອາດຈະນັບມື້ນັບໃຫ່ຍຂື້ນ,ຍອ້ນການຂະຫຍາຍຕົວຂອງຍານພະຫະນະໂດຍສະເພາະແມ່ນລົດສ່ວນຕົວເຊິ່ງບາງຄອບຄົວກໍມີຮອດສາມສີ່ຄັນ.ອີກບັນຫານື່ງຄືການຂັບລົດແລະການປະຕິບັດກົດຈາລະຈອນຍັງປະຕິບັດບໍ່ໄດ້,ການຈອດລົດສະຊາຍແລະສະຖານທີ່ໃນຕົວເມືອງຄັບແຄບຍັງບໍ່ມີສະຖານທີ່ຈອດລົດແລະເຖິ່ງວ່າມີ ເຈົ້າຂອງລົດຍັງບໍ່ປະຕິບັດ ເຊິ່ງມັນສະແດງອອກເຊັ່ນ:ຈອດເທິງບອ່ນຄົນຍ່າງ, ຈອດຕັນທາງເຂົ້າເຮືອນ,ຮ້ານຄ້າ,ຈອດບອ່ນປ້າຍຫ້າມ, ຈອດໃນທາງແຄບແລະອື່ນໆ....

ການຂະຫຍາຍຕົວສຳລັບເລຶ່ອງບໍລິການນັກທອ່ງທຽ່ວພາຍໃນແລະຕ່າງຊາດເຊັ່ນການຂະຫຍາຍຕົວໂຮງແຮມ,ຮ້ານອາຫານແລະບອ່ນບັນເທິງຕ່າງໆກໍນັບມື້ນັບສູງຂຶ້ນແລະພຽງພໍກັບແຂກແລະນັກທອ່ງທຽ່ວ.ໃນຕົວເມືອງວຽງຈັນການຂົນສົ່ງພາຍໃນຕົວເມືອງໂດຍສະເພາະລົດປະຈຳທາງໃນບາງແຫ່ງຍັງບໍໄດ້ໄປເຖິງ;ການດູແລະຄຸ້ມຄອງສາມລໍ້ເຖິ່ງວ່າມີມາດຕະການໃນການຄວມຄຸມການຂຶ້ນລາຄາຍັງບໍ່ສາມາດປະຕິບັດໄດ້ເຊິ່ງພວກຂັບສາມລໍ້ຍັງຮຽກລາຄາສູງສຳລັບນັກທອ່ງທຽ່ວເຊີ່ງມັນສະແດງໃຫ້ເຫັນການຄຸ້ມຄອງຂອງພາກສ່ວນທີ່ກຽ້ວຂອ້ງຍັງປັດສະຈາກປະສິທິພາບ.

ການທອ່ງທຽ່ວແລະລາຄາບັດເຂົ້າຊົມສະຖານທີ່ສຳຄັນຕ່າງໆໃນຕົວເມືອງວຽງຈັນຍັງບໍ່ເປັນເອກະ

ພາບ,ເຊິ່ງນັກທອ່ງທຽ່ວຕ່າງຊາດນັ້ນຈະຊື້ໃນລາຄາທີ່ແຕກຕ່າງກັນ ເລື້ອງນີ້ກໍບໍ່ແປກປານໃດແຕ່ອັນທີ່ແປກນັ້ນສຳລັບຄົນລາວແລ້ວເປັນຫຍັງຕອ້ງເສຍຄ່າບີ້ດ້ວຍ?ເປັນຕົ້ນການເຂົ້າຊົມພິພິທະພັນວັດສີສະເກດ ,ຫໍພະແກ້ວມໍລະກົດ,ສວນວັດຊຽງຄວນແລະອື່ນໆ.ເພາະ

ວ່າຄົນລາວ ,ພົນລະເມືອງລາວມີຄ່າຄອງຊີບຕ່ຳຢູ່ແລ້ວ, ລັດຕອ້ງສະໜັບສະໜູນຄົນລາວໃຫ້ເຂົ້າຊົມແລະຮຽນຮູ້ປະຫວັດສາດແລະວັດທະນະທຳລາວຫລາຍຂື້ນເພື່ອກະຕຸ້ນໃຫ້ເຂົາມີນ້ຳໃຈຮັກຊາດ ຮັກບາ້ນເກີດເມືອງນອນແລະຮັກມູນເຊື້ອວັດທະນະທຳ.

ປະຊາຊົນໃນຕົວເມືອງວຽງຈັນມີຄ່າຄອງຊີບດີຂື້ນຫລາຍຖ້າທຽບກັບໄລ່ຍະສິບປີກອ່ນ,ຫລາຍຄົນມີ

ລົດນຳເຂົ້າທີ່ມີລາຄາແພງ,ຄົນທຸກໆລຸ້ນມີໂທລະສັບມືຖືທີ່ທັນສະໃໝເປັນຕົ້ນ Iphone  ລຸ້ນໃໝ່, ໂທລະສັບລະບົບເອັນດຣອຍຫລາຍຍີ່ຫໍ້ທີ່ມີລາຄາແຕ່300-700USD ເຄື່ອງຫລິ້ນປະເພດໄອເຟດ,Samsung ແລະອື່ນໆເຊິ່ງຖ້າຖາມເຖິງເງີນເດືອນແລ້ວ ເດືອນນື່ງຖ້າແມ່ນພະນັກງານເອກະຊົນບາງຄົນກໍອາດຈະຊື້ໄດ້ເຄືອ່ງນຶ່ງ ແຕ່ຖ້າເປັນພະນັກງານລັດຖະກອນແລ້ວຂະໜາດຝັນຍັງບໍ່ໄດ້ເວັ້ນແຕ່ວ່າລາຍຮັບຈາກລາຍການ

ນອກຕ່າງຫາກ.

ຜູ່ຂຽນເຫັນວ່າການແຂ່ງຂັນກັນລະຫວ່າງຄົນໃນສັງຄົມແມ່ນນັບມື້ນັບດຸເດືອດ,ຜູ່ໃດກໍ່ຢາກສະແດງ

ວ່າຕົນເອງມີດີ ມີຂອງໃໝ່ ,ມີຖານະແລະໜ້າຕາໃນສັງຄົມ ເຊິ່ງສະແດງອອກໃນການແຂ່ງຂັນກັນໃຊ້ເຄື່ອງຂອງແພງ,ເຄືອ່ງລຸ້ນໃໝ່ແລະທັນສະໃໝອື່ນໆ ບາງຄົນເຖິ່ງວ່າຕົນເອງບໍ່ມີເງື່ອນໄຂກໍ່ຊອກຫາວີທີເພືອ່ໄດ້ເງີນມາຊື້ວັດຖຸເຫລົ່ານັ້ນ ເຊັ່ນ ການກູ້ຢືມ,ການຜອ່ນຈ່າຍກັບສິ່ງຂອງທີ່ບໍ່ຈຳເປັນຫລືບາງຄົນອາດມີວີທີທີ່ຜິດກົດໝາຍເຊັ່ນການ

ຫລັກຂະໂມຍ,ການຈີ່ປຸ້ນເຊິ່ງກາຍເປັນປະກົດການຍໍ້ທໍ້ໃນສັງຄົມໃນປັດຈຸບັນ.

ນ້ຳໃຈເອືອ້ເຟື້ອເພື່ອແພ່ຂອງຄົນລາວຫາຍໄປໃສໝົດ?ຜູ່ຂຽນເຫັນວ່າການພັດທະນາແລະຮັ່ງມີທາງສັບສິນແລະສິງຂອງນັ້ນມັນໜອ້ຍທີ່ຈະຊ່ວຍໃຫ້ຄົນເຮົາມີນ້ຳໃຈເມດຕາກາລຸນາແລະນ້ຳໃຈເອື້ອເຝື້ອເພື່ອແພ່ເຊິ່ງການຊ່ວຍເຫລືອເຊິ່ງກັນແລະກັນລະຫວ່າງຄົນໃນຕົວເມືອງນັບມື້ນັບຫລຸດລົງຍອ້ນສັງ

ຄົມມີການປຽ່ນໄປເຮັດໃຫ້ຄົນມີແນວຄິດແລະຈິດໃຈທີ່ຄັບແຄບນັ້ນກໍຍອ້ນສິງຍໍ້ທໍ້ໃນສັງຄົມມີຫລາຍເຮັດໃຫ້ການເຊື້ອໃຈລະວ່າງຄົນໜອ້ຍລົງ ຕົວຢ່າງ: ເຫັນຄົນຍ່າງຕາມທາງຂໍຂື້ນລົດ ຫລາຍຄົນອາດປະຕິເສດ,ເຫັນຄົນປະສົບອຸປະຕິເຫດຕອ້ງການຊ່ວຍເຫລືອ ຫລາຍຄົນອາດບໍ່ຈອດລົດເປັນຕົ້ນ...ແລະອີກປະກົດການນື່ງທີ່ຜູ່ຂຽນເຫັນເປັນປະຈຳໃນຕົວເມືອງ

ວຽງຈັນຄືນັກຂັບຂີ່ລົດສ່ວນຫລາຍບໍ່ຈອດໃຫ້ຄົນທີ່ຈະຂ້າມທາງ ບໍ່ວ່າຜູ່ຂ້າມທາງນັ້ນຈະເປັນເດັກ,ອາວຸດໂສຫລືຄົນເສຍອົງຄະກໍຕາມ ປະກົດການນິ້ຖ້າເກີດຂື້ນໃນບັນດາປະເທດພັດທະນານັ້ນ ບັນຫານິ້ເປັນບັນຫາໃຫ່ຍຂອງການຂັບຂີ່, ການຮຽນ,ການສອນຫລືການສອບເສັງເອົາໃບອານຸຍາດຂັບຂີ່ໃນຫລາຍປະເທດທົ່ວໂລກ ການຢຸດລົດໃຫ້ຜູ້ຂ້າມທາງໃນຫລືນອກທາງມ້າລາຍເປັນບົດພື້ນຖານທີ່ຕອ້ງຮຽນ;ຫລືໃນການສິດ

ສອນແລະຂັບລົດໃນລາວບໍ່ໄດ້ສອນ?ຫລືສອນແລ້ວສັນດານຄົນບໍໍ່ຢາກຈຳຫລືວ່າແນວໃດ!!

ເພື່ອຈະກ້າວເຂົ້າສູ່ສະມາຄົມອາຊຽນໃນມໍ່ໆນີ້;ເພື່ອດືງດູດນັກທອ່ງທຽ່ວຈາກຕ່າງຊາດທົ່ວໂລກທີ່ຈະມາທອ່ງລາວໃນຊ່ວງນີ້ແລະອານາຄົດ ການບໍລິການທີ່ເປັນມາດຕະຖານ,ການສະໜອງຄວາມສະດວກໃຫ້ນັກທອ່ງທຽ່ວ ການເພີ້ມແລະຂະຫຍາຍສະຖານທີ່ພັກແລະສິງທີ່ອຳນວຍຄວາມສະດວກອື່ນໆແມ່ນເປັນວຽກງານສຳຄັນສຸດສຳລັບວຽກງານທອ່ງທຽ່ວ; ຜູ່ຂຽນເຫັນວ່າການເວັ້ນວີຊາກໍເປັນວຽກນຶ່ງທີ່ຈະຕອ້ງບັນລຸຜົນໂດຍໄວໃຫ້ນັກທອ່ງທຽ່ວຕ່າງຊາດ,ຖ້າປະເທດເຮົາຍົກເວັ້ນວີຊາສຳລັບນັກທອ່ງທຽ່ວຕ່າງຊາດແລ້ວຈະເຮັດໃຫ້ແຂກມາລາວເພິ້ມຢ່າງແນ່ນອນ, ການກະຕຸ້ນຊຸກຍູ້ການເປີດສາຍການບີນກັບຫລາຍປະເທດ,ການຂະຫຍາຍເດີນບີນແລະອື່ນໆ

ກໍນອນໃນແຜນທີ່ຕອ້ງບັນລຸຜົນແລະຖ້າປະຕິບັດໄດ້ໂດຍໄວ ການຂະຫຍາຍຕົວຂອງເສດຖະກິດລາວກໍຈະໄດ້ຮັບຜົນເກີນຄາດໝາຍ;ເພາະການທອ່ງທຽ່ວເປັນຂະແໜງນື່ງທີ່ສ້າງລາຍຮັບໃຫ້ລາວໃນໄລ່ຍະຜ່ານມາ.ນີ້ພຽງເປັນບັນຫາທີ່ຢາກຈະຂຽນອອກແລະແບ່ງປັນກັບຜູ່ອ່ານຄົນອື່ນ;ຍັງມີເລື່ອງຫລາຍໆທີ່ຈະຂຽນອອກແຕ່ເອົາໄວ້ໂອກາດໜ້າ.

Thank for reading and leave me some comments